Friday, August 20, 2010

會計人窮志未窮 (作者: WYJimmy)

會計人語



香港討論區會計版


白軍浪:「我想轉工都好耐,唔係話冇工見,不過真係好小好小空缺。」


av:「有得比我選,我唔會做會計,會去做merchandiser/sales。」


Jasongar:「離開香港係唯一出路。(完)」


Nora 2006:「日日上網找會計師工種,但係三個星期都無回音。寄左幾十封CV,點算好?定係試埋會計文員?聽聞有些大機構會定時出廣告,但係並非真係請人,只係比人睇吓,覺得佢地公司『有發展,仲會請人』,但事實並非如此……」


Samball 1974:「香港成日講企業管理,又成日講員工係公司的資產,但講真,呢啲只係口號,香港的企業跟本停流在六十年代山寨廠的管理……」


Cassjas:「我認為依加僱主與求職者存在gap,首先僱主唔知點揀合適人選,市場太多選擇與供應,眼花撩亂,於是假手比人事顧問幫忙搵人,但大部分人事顧問只係相信牌子,對配能力非常參差;其次,求職者未清楚自己的強項及方向。依個gap一但解決,個job market會好啲。」




很多會計同業都表示,最近會計招聘市場淡靜,就算具相當經驗及資歷的都失業半年,甚至一年以上。開啟瀏覽器求職網站,似乎是人事顧問的廣告為多,公司請人甚少,就算有機會到小公司面試都要排長龍,更有些會集體面試,情況似乎比金融海嘯時更壞,只僅次沙士,但通脹卻不斷加劇,樓貴租貴物價貴,可能現在會計從業在香港生存,比沙士更難。



金融海嘯後經濟未完全復蘇,除了環球金融沒太大起色,只是一些上落炒作,香港樓市(樓價)興旺跟會計人才似乎不大關連,出入口業萎縮,外地消費信心未完全回復外,大家也歸咎各會計師公會近年大量增加會計師數目的後遺症,直接減低外間對我們行業的專業認受性。



十年寒窗變徒勞無功



在低迷勞工市場下,很多從業員為求存,也選擇割喉減薪,當然在短暫一刻,杯水車薪雖可糊口,但長遠而言,這選擇除否定自己能力外,也否定會計業的專業價值。上星期Bittermelon都提過,作為專業會計師,進修路是極漫長,大學畢業後便要面對高工時,低收入的學徒生涯,除要支付昂貴的會計師公會專業課程(Qualification Programme)外,就算考畢成為會計師,仍要按各公會要求持續進修(Continuous Professional Development),當中學費負擔甚重,但現在有會計師表示,收入都不能支持這基本要求,難怪討論區各同業也熱談是否需要退會?不過,歸根究柢也是同業否認自身價值為先。



坊間對會計專業認知可能只限簿記入賬,但往往忽略會計人員也具備高水平的商業決策及管理能力,日常會計實務對商業運作是息息相關,會計人員對在企業內的市場資訊、稅務安排、財務管理以及內部管理,所以不難看到出色的會計人員,往往是企業掌舵人的左右手。



我的朋友是一位中型企業老闆,他最近在請財務主管,在收到求職信時,有些應徵者本來月入逾4萬,只要求2萬至3萬元,我朋友看後表示通通不考慮,她覺得這個位置掌管公司財政命脈,亦希望在運作決策上也能給予意見,但我朋友認為這些求職者此舉根本是自信不足,或者本身可能有問題,如在舊公司只是靠運氣或靠人事才有這薪金,論能力他們可能根本自知不值,朋友認為反正在國內請專才薪金已高達二三萬,如果香港這同事真的具備這能力,為什麼不敢為自己爭取更多?若果連為自己爭取都不懂,我朋友怎會認為他有能力為公司爭取更好?



誠然,在市道氣氛未明朗,僱主審慎理財,選擇出價低的求職者像是很有理由,但不妨細心一想?如上一段提過,會計從業員在各自的進修投資,負擔都不輕,這份低收入只因現時市道而虛與委蛇,騎牛搵馬。而經濟稍轉好時,或外面有其他機會,他們既為會計專業,怎會不懂為自己打算?



寄望明天會更好



人窮志短,在討論區看到同業在這關捱得很辛苦,不少人才認為會計業像當日IT泡沫,也打算紛紛轉行,似乎忘記自己多年累積的商業實務知識,也能為企業增值,也否定自己專業能力,我們這資格得來不易呢?如果認為自己應是被淘汰,應身處可有可無的位置,這也實在太可惜,所謂否極泰來,困難的光境終會過去。



我認為大家應「人窮但志不窮」,究竟大家求職失敗是在那裏出了問題,自己真的一文不值?壓了這樣多身價仍換不到一次面試機會?還是在僱主面前表現得不夠自信?叫價太低反而嚇怕了部分僱主,尤其是涉及有管理及專業工作的位置,你出價更較內地同事低,難怪僱主們見到你們的求職信會卻步猶疑呢?



3 comments:

若缺齋老人 said...

希臘神話中"平到拉的盒子"被封的最後一件東西究竟係乜有兩個講法:一個係"希望"(邏輯上唔通,其他的如疾病、戰爭、特區政府...等都撲晒出來大家日日見,如果被封既係希望咪即是人間冇希望?

第二個講法就通好多:預知能力,如果人人有預知能力、明知點努力都徒勞無功既就簡直令人活不下去...所以既望明天會更好都係一件好事,雖然對會計師而言...

WYJIMMY said...

近排老齋你個blog都好多政治野, 不妨一談

政府統治無方, 在民望中已反映, 中央不能一刀切式干預, 只能在安排下屆特首舖路, 雖然特區政府弱勢已成, 但如能者如范太等上任, 我覺得總比其他疑似候選人為佳

最近地產版d 人開始懷念董伯伯/董太, 因為起碼佢地製造到希望, 情況差但有轉機, 佢地某d 政績係有成效, 可惜要到現任特首上任, 冷手執個熱煎堆...

物極必反, 否極泰來, 會計界去到咁worse 既情況, 同業們一邊自殘身價, 自我否定, 一邊上來呻懷才不遇, 找碗飯有問題, 其實係有雞先定有旦先的問題吧?

會計界太多人, 保守的慣性令團結變成幾乎不可能, 但總要提提自己有能力的從業, 無需要自殘身價求存, 就算一時三刻你獲得offer, 入到去一樣被人白眼, 前路亦不會好行, 不要跟僱主般短視, 替自己想長遠一點, 別在燃燒青春, 燃燒生命!

會計人自身價值觀低, 只因當時考acca 一張張上(因為老實考acca 相對算平), 工時長而計算出來時薪低, 所以至會覺得自己個牌唔值錢...

如果讀degree 又十幾萬, 考個牌又幾萬, 再付出三年時間換個牌返來, 又要支付會費(可能兩邊以上)及CPD, 20K 人工真係不足以維持也!

WYJIMMY said...

在下 3home 版有位前輩 fallingsky 是入行三十年的資深從業員, 且看他對會計業的看法?

先引我父親的一個看法, 當時我大約中學畢業。

父說: 『仔呀, 你一定要學我, 學做生意, 我唔識字, 做唔到大生意, 你識字, 一定要做生意, 貴買貴賣, 唔理賣乜野, 一買一賣就可以賺錢, 呀公死有得食, 呀婆死又有得食。

工字不出頭。 你睇隔離財叔整鐵桶幾好手勢, 大師傅, 但係人地出個膠桶, "琴"一聲就出一個, 又平又輕又唔漏水, 膠鞋又頂死木屐。 最好開間西藥舖, d藥丸幾個仙一粒買返呢, 賣幾蚊, 你識英文, 可以做。』

父親是開小士多, 我從小要幫手看舖, 全年冇休, 365x24, 所以, 我很抗拒門口生意 (當時眼光小, 沒有企業思維)。 入會計行是這樣想, 有公司就要有會計, 總不會餓死吧!

然而, 我父親說中了, 電腦化就是個膠鞋, 頂死中下層會計佬(木屐)。 從前會計是人手密集工業, 現在買套軟件, 10個人手變成2個, 或者搵 accounting consultant + programmer 攪個 project, 完左請一兩個 accountant + 一班會input 的 clerks 就得。

原本是求兩餐安穩就算, 現在要為生存, 中層的向上發展, 不斷進修。 上層又有幾多位置呢?

西方社會應該好d, 他們較接受擁有權與管理權分開的做法, 會計加上一些如人力, 效績管理等能力也有可能上位。

在東方社會, 企業絕大多數係家族式, 一個人成功做大了生意, 便認為有能力打江山, 自然有能力管江山, 很少願意交出權力給專業管理人, 那怕就只係行政權力也不可以。

其實, 會計 "專業" 是什麼? 會計加上人力, 行銷, 稅務, 財務....還算不算是會計? 從 acca 課程看, 每樣都沾一d, 但又好似好皮毛。 最強的 ssap, 只不過是睇你邊個口大, 你就跟邊個走, 一堆玩弄數字的規條。

我思考左好耐, 會計 "專業"在這個社會根本是沒有獨立存在的能力, 正常地出盤數, lcc higher accounting + higher costing 已經 ok。 複雜的 consol 等等, 有幾多?

各位可以想想自己日常的工作是做些什麼, 如果只有 lcc higher 的程度是否做得來?

就算經濟起飛, 會計有得起嗎? 成為會計師 (qualified accountant) 的 cost and benefit analysis 會如何?
我看會計行業是很灰的, 好在我都老, 最怕係過唔到收尾個幾年(打份 "會計" 的工來說)。